VTO

Voortgesette Teologiese Opleiding

22 September 2022

Met groot dankbaarheid kyk ons terug na die geskiedkundige, 1ste alternatiewe Voortgesette Teologiese Opleiding (VTO) wat deur die FGG op 22 September 2022 onder leiding van prof. Hoffie Hofmeyr aangebied is.

Dr Anton Knoetze (voorsitter van Kairos Netwerk) het die ongeveer 35 persone vanuit verskillende provinsies en uit Namibië, asook die ongeveer 45 persone wat die video-uitsending gevolg het, welkom geheet.

Dit was ‘n belewenis om te ervaar hoe gemaklik mense vanuit die:

• NG Kerk
• Geloofsbond van die Hervormde Kerk
• AP Kerk
• Gereformeerde Kerke in SA
• en die Vrye Gereformeerde Kerk

…met mekaar ‘n eenheidsgees beleef dat die Bybel die gesagdraende Woord van God is, en nie net woorde oor God is nie.

Almal wat by hierdie 1ste FGG-VTO geleentheid betrokke was, het beleef dat God self, deur Sy Heilige Gees, die leiding geneem het. Die wete dat die ware Leidsman aan die stuur is gee ons die versekering dat ons op die regte pad is, en moed vir die moeilike reis wat voorlê.